ദോഹ: ജോലി തേടി ഖത്തറിലെത്തുന്ന പ്രവാസികൾക്ക്​ സൗജന്യ യാത്ര വാഗ്​ദാനം ചെയ്​ത്​ ശ്രദ്ധേയനായ ആലുവ മലയാറ്റൂർ സ്വദേശി ലി​േൻറാ തോമസിനെ​ ഇന്ത്യൻ കമ്യൂണിറ്റി ബെനവലൻറ്​ ഫോറം (ഐ.സി.ബി.എഫ്​) ആദരിച്ചു. ഐ.സി.ബി.എഫ്​ ഓണററി അംഗത്വ സർട്ടിഫിക്കറ്റും ഫലകവും പ്രസിഡൻറ്​ സിയാദ്​ ഉസ്​മാൻ കൈമാറി.

13 വർഷത്തോളമായി ഖത്തറിൽ ജോലി ചെയ്യുന്ന ലി​േൻറാ തോമസ്​, 'ഖത്തർ മലയാളീസ്​' എന്ന ഫേസ്​ബുക്ക്​​ പേജിലായിരുന്നു ത​െൻറ സഹായസന്നദ്ധത പങ്കുവെച്ചത്​. ജോലിതേടിയെത്തുന്ന പുതിയ പ്രവാസികൾ അഭിമുഖത്തിനും മറ്റുമായി യാ​ത്രചെയ്യാൻ പ്രയാസപ്പെടുകയാണെങ്കിൽ തന്നെ വിളിക്കാമെന്നായിരുന്നു ഫോൺ നമ്പർ സഹിതം ലി​േൻറാ അറിയിച്ചത്​. മലയാളി യുവാവി​െൻറ സഹായസന്നദ്ധത ഏറെ പ്രശംസിക്കപ്പെടുകയും 'ഗൾഫ്​ മാധ്യമം' ഉൾപ്പെടെയുള്ള പത്രങ്ങൾ റിപ്പോർട്ട്​ ചെയ്യുകയും ചെയ്​തു. ഇന്ത്യൻ എംബസിയും ലി​േൻറായെ അഭിനന്ദിച്ചിരുന്നു. ഇന്ത്യൻ സമൂഹങ്ങൾക്കിടയിലെ പരസ്​പര സഹകരണവും സ്​നേഹവുമാണ്​ ഐ.സി.ബി.എഫി​െൻറ ലക്ഷ്യമെന്ന്​ ചടങ്ങിൽ പ്രസിഡൻറ്​ സിയാദ്​ ഉസ്​മാൻ പറഞ്ഞു. മറ്റു ഭാരവാഹികളും ചടങ്ങിൽ പ​ങ്കെടുത്തു. 

aദോഹ: അവയവദാനത്തിന്​ സന്നദ്ധത അറിയിച്ച്​ രംഗത്തുള്ളവരുടെ എണ്ണംകൊണ്ട്​ അതിശയിപ്പിച്ച്​ ഖത്തർ. രാജ്യത്തെ മുതിർന്നവരുടെ ജനസംഖ്യയിൽ 25 ശതമാനം പേർ അവയവദാനത്തിന്​ രജിസ്​റ്റർ ചെയ്​തതായി ഖത്തർ ഓർഗൻ ഡോണർ രജിസ്​ട്രിയുടെ കണക്കുകൾ. സ്വദേശികളും വിദേശികളും ഉൾപ്പെടെ 100 രാജ്യങ്ങളിൽനിന്നായി ഇതിനകം 4.63 ലക്ഷം പേർ തങ്ങളുടെ ശരീരം പകുത്തുനൽകാൻ തയാറായിക്കഴിഞ്ഞു. ഖത്തർ ഓർഗൻ ഡൊണേഷൻ സെൻറർ (ഹിബ) ഡയറക്​ടർ ഡോ. റിയാദ്​ ഫാദിലാണ്​ ഇക്കാര്യം വെളിപ്പെടുത്തിയത്​. അവയവദാന സന്നദ്ധതയിൽ ലോകത്തെ മറ്റു രാജ്യങ്ങളുമായി താരതമ്യംചെയ്യു​േമ്പാൾ ഏറ്റവും മുൻനിരയിലാണ്​ ഖത്തർ. മുതിർന്നവരിൽ 25 ശതമാനവും രജിസ്​റ്റർ ചെയ്​തു. ഈ മേഖലയിൽ മറ്റെവിടെയുമില്ലാത്ത നേട്ടമാണിത്​ -അദ്ദേഹം പറഞ്ഞു.

സമീപകാലത്തായി തദ്ദേശീയരും വിദേശികളും ഉൾപ്പെടെ രാജ്യത്തെ മുഴുവൻ ജനവിഭാഗങ്ങളിലേക്കും ഇറങ്ങിച്ചെന്നു നടത്തിയ പ്രചാരണങ്ങളുടെ ഫലമാണ്​ ഇതെന്നും​ ഡോ. റിയാദ്​ പറഞ്ഞു. 2019ലെ കണക്കുകൾപ്രകാരം, 20 ശതമാനം പേരായിരുന്നു അവയവദാനത്തിനായി രജിസ്​റ്റർ ചെയ്​തത്​. 2019 മേയിൽ 3.45 ലക്ഷം പേരായിരുന്നുവെങ്കിൽ, 2021 ജൂണിൽ 1.07 ലക്ഷംകൂടി അധികം രജിസ്​റ്റർ ചെയ്​തു. മരണാനന്തരം അവയവദാനത്തിന്​ തയാറായവരുടെ പട്ടിക അതീവ രഹസ്യ സ്വഭാവമുള്ള രേഖയാണ്​.

ഒരു വ്യക്​തി മരിക്കു​േമ്പാൾതന്നെ അദ്ദേഹം അവയവദാന സന്നദ്ധത അറിയിച്ച ആളാണോ എന്ന്​ അനായാസം തിരിച്ചറിയാനുള്ള സംവിധാനവുമുണ്ട്​. വിദേശിയെന്നോ സ്വദേശിയെന്നോ വേർതിരിവില്ലാതെയാണ്​ ഖത്തറിൽ അവയവം കാത്തുകഴിയുന്നവരുടെ പട്ടികയും തയാറാക്കുന്നത്​ -ഡോ. റിയാദ്​ വ്യക്തമാക്കി.

ഒരു ജീവൻ രക്ഷിക്കുന്ന പ്രവൃത്തിയാണ്​ അവയവദാനവും. മാറാരോഗം കാരണം ദുരിതമനുഭവിക്കുന്ന വ്യക്തിക്ക്​, അവയവം മാറ്റിവെക്കുന്നതിലൂടെ ജീവിതത്തിൽ സമാശ്വാസവും ആരോഗ്യ സ്​ഥിതി മെച്ചപ്പെടുകയും ചെയ്യും. ഒരാൾ ഒരു കിഡ്​നിയോ കരളോ ദാനം ചെയ്​താലും ആരോഗ്യജീവിതം നയിക്കാനാവും. നിലവിൽ ഖത്തറിൽ കിഡ്​നി, കരൾ, ശ്വാസകോശമാറ്റ ശസ്​ത്രക്രിയകൾ വിജയകരമായി നടത്തുന്നുണ്ട്​ -ഡോ. റിയാദ്​ ഫാദിൽ വ്യക്തമാക്കി. 

ദോഹ: ഐക്യരാഷ്​ട്ര സഭ പൊതുസമ്മേളനത്തിൽ ഖത്തർ അമീർ ശൈഖ്​ തമിം ബിൻ ഹമദ്​ ആൽഥാനിയുടെ പ്രസംഗത്തെ ഇന്ത്യൻ അംബാസഡർ ഡോ. ദീപക്​ മിത്തൽ അഭിനന്ദിച്ചു. ആഗോള വിഷയങ്ങൾ സമഗ്രമായി അവതരിപ്പിച്ച അമീർ, ഖത്തറി​െൻറ വിവേകപൂർണമായ കാഴ്​ചപ്പാടുകൾ വ്യക്​തമാക്കിയതായി അദ്ദേഹം പറഞ്ഞു.

കോവിഡ്​ വെല്ലുവിളികൾ, അഫ്​ഗാനിലെ രാഷ്​ട്രീയ സംഭവ വികാസങ്ങൾ, പടിഞ്ഞാറൻ ഏഷ്യയിലെയും വടക്കൻ ആഫ്രിക്കയിലെയും പ്രശ്​നങ്ങൾ, ​ഭീകരവാദവും കാലാവസ്ഥ വ്യതിയാനവും ലോകം കൂട്ടായി ​ചെറുക്കേണ്ടതി​െൻറ പ്രാധാന്യം എന്നിവ അമീർ പ്രസംഗത്തിൽ പരാമർശിച്ചു. അദ്ദേഹം ഉന്നയിച്ച വിഷയങ്ങൾ ഇന്ത്യക്കും താൽപര്യമുള്ളവയാണ്​.

ഉറ്റ സൗഹൃദ രാഷ്​ട്രങ്ങൾ എന്ന നിലയിൽ ഇന്ത്യയും ഖത്തറും തമ്മിലുള്ള ബഹുമുഖ സഹകരണം ഐക്യരാഷ്​ട്ര സഭയിലും ശക്തമായി തുടരുമെന്ന് ഞങ്ങൾക്ക് ഉറപ്പുണ്ട് -'പെനിൻസുല' പ​ത്രത്തിനു നൽകിയ പ്രതികരണത്തിൽ ഇന്ത്യൻ അംബാസഡർ പറഞ്ഞു. 

ദോഹ: ഐക്യരാഷ്​ട്ര സഭ പൊതുസമ്മേളനത്തിൽ ഉദ്​ഘാടന സെഷനിൽ ഖത്തർ അമീർ ശൈഖ്​ തമിം ബിൻ ഹമദ്​ ആൽഥാനി നടത്തിയ പ്രഭാഷണത്തെ മന്ത്രിസഭ യോഗം അഭിനന്ദിച്ചു. പ്രധാനമന്ത്രിയും ആഭ്യന്തര മന്ത്രിയുമായ ശൈഖ്​ ഖാലിദ്​ ബിൻഖലീഫ ബിൻ അബ്​ദുൽ അസീസ്​ ആൽഥാനിയുടെ അധ്യക്ഷതയിൽ ചേർന്ന യോഗം, അമീറി​െൻറ പ്രസംഗം രാജ്യത്തി​െൻറ അന്തസ്സും അഭിമാനവുമുയർത്തുന്നതായിരുന്നുവെന്ന്​ ​വിലയിരുത്തി.

വ്യക്തമായ ഉൾ​ക്കാഴ്​ചയുള്ളതും വിവിധ വിഷയങ്ങളിൽ രാജ്യത്തി​െൻറ നിലപാട്​ വ്യക്തമാക്കുന്നതുമായിരുന്നു ലോകരാഷ്​ട്ര തലവന്മാർക്ക്​ മുമ്പാകെയുള്ള അമീറി​െൻറ പ്രസംഗം. സത്യസന്ധതയും അറിവും ദീർഘവീക്ഷണവും പ്രകടമായി.

മേഖലയിലെയും രാജ്യാന്തര തലത്തിലെയും വിഷയങ്ങളിലേക്ക്​ വെളിച്ചം വീശുന്ന അമീറി​െൻറ വാക്കുകളിൽ, ഫലസ്​തീൻ, ലിബിയ, യമൻ, ഇറാൻ, അഫ്​ഗാനിസ്​താൻ തുടങ്ങിയ അന്താരാഷ്​​്ട്ര വിഷങ്ങൾ വിശദമായി പരാമർശിക്കപ്പെട്ടു.

അഫ്​ഗാനിൽ സമാധാനവും സുസ്​ഥിരതയും നിലനിർത്താനുള്ള ശ്രമങ്ങളും, കോവിഡ്​ കാലത്ത്​ ഖത്തറി​െൻറ ഇടപെടലുകളും കാലാവസ്ഥ വ്യതിയാനവും ഉൾപ്പെടെയുള്ള വിഷയങ്ങളെ സഗൗരവം ലോകശ്രദ്ധയിലെത്തിച്ചു.

രാജ്യങ്ങൾ തമ്മിലെ അഭിപ്രായ വ്യത്യാസവും തർക്കങ്ങളും പരസ്​പര ബഹുമാനവും പൊതുതാൽപര്യവും അടിസ്​ഥാനമാക്കി ചർച്ചയി​ലൂടെ പരിഹരിക്കണമെന്ന അമീറി​െൻറ നിർദേശത്തെ മന്ത്രിസഭ യോഗം പ്രശംസിച്ചു. ദോഹയിൽ ഐക്യരാഷ്​ട്ര സഭ ഓഫിസ്​ വൈകാതെ പ്രവർത്തന​ം ആരംഭിക്കുമെന്നുള്ള അമീറി​െൻറ പ്രഖ്യാപനത്തെയും സ്വാഗതം ചെയ്​തു.

കോവിഡ്​ നിയന്ത്രണം തുടരും

കോവിഡ്​ നിയന്ത്രണങ്ങൾ അതേപോലെതന്നെ തുടരാൻ മന്ത്രിസഭ തീരുമാനം. രോഗവ്യാപനം കു​റഞ്ഞെങ്കിലും തിടുക്കപ്പെട്ട്​ നിയന്ത്രണങ്ങളിൽ ഇളവു നൽകേണ്ടെന്ന്​ ആരോഗ്യ മന്ത്രാലയത്തി​െൻറ വിശദീകരണത്തിനു ശേഷം മന്ത്രാലയം തീരുമാനിച്ചു. ശൂറാ കൗൺസിൽ തെരഞ്ഞെടുപ്പി​െൻറ സാഹചര്യത്തിൽ ആരോഗ്യ മേഖലയിൽ വേണ്ട മുൻകരുതലുകൾ എടുക്കാനുള്ള നിർദേശത്തിന്​ അംഗീകാരം നൽകി. 

ദോഹ: ശൂറാ കൗൺസിൽ തെരഞ്ഞെടുപ്പിൽനിന്ന്​ രണ്ടു വനിതകൾ ഉൾപ്പെടെ 50 സ്​ഥാനാർഥികൾ പത്രിക പിൻവലിച്ചു. ഇതോടെ, ഒക്​ടോബർ രണ്ടിന്​ നടക്കുന്ന തെരഞ്ഞെടുപ്പിൽ മത്സരരംഗത്തുള്ളവരുടെ എണ്ണം 234 ആയി. 26 സ്​ത്രീകൾ ഉൾപ്പെടെയാണിത്​. 284 പേരായിരുന്നു നേര​േത്ത മത്സര രംഗത്തുണ്ടായിരുന്നത്​. വെള്ളിയാഴ്​ചയായിരുന്നു സ്​ഥാനാർഥിത്വം പിൻവലിക്കാനുള്ള അവസാന തീയതി.

മൂന്നാം നമ്പർ ഇലക്​ട്രൽ ജില്ലയിലാണ്​ ഏറ്റവും കൂടുതൽ പേർ പത്രിക പിൻവലിച്ചത്​. അഞ്ചു പേരാണ്​ വോ​ട്ടെടുപ്പിന്​ 10 ദിവസം ബാക്കിനിൽക്കെ മത്സരരംഗത്തുനിന്ന്​ പിൻവാങ്ങിയത്​. ഇതോടെ ഇവിടെ 10 പേർ തമ്മിലായി പോരാട്ടം. വിവിധ കാരണങ്ങളാലാണ്​ സ്​ഥാനാർഥികളുടെ പിന്മാറ്റമെന്ന്​ പ്രാദേശിക മാധ്യമങ്ങൾ റിപ്പോർട്ട്​ ചെയ്യുന്നു. പല മണ്ഡലങ്ങളിലെയും പൊതുതാൽപര്യംകൂടി പരിഗണിച്ചാണ്​ കൂടുതൽ പേരുടെയും പിന്മാറ്റം. ചില മണ്ഡലങ്ങളിൽ ശക്തനും ജനസ്വാധീനമുള്ള എതിരാളിയുമെത്തുന്ന സാഹചര്യത്തിൽ വോട്ടർമാരുടെയും പൊതു താൽപര്യവും പരിഗണിച്ച്​ എതിരാളികളിൽ പലരും പിൻവാങ്ങുന്നു.

മറ്റുചിലർ മത്സരിക്കാൻ വേണ്ടത്ര തയാറെടുപ്പുണ്ടായില്ലെന്ന തിരിച്ചറിവി​െൻറ അടിസ്​ഥാനത്തിലാണ്​ പിന്മാറുന്നത്​​. പരിചയക്കുറവ്​ തിരിച്ചടിയാവുമെന്ന വിശ്വാസത്തിലും ചിലർ മത്സരരംഗത്തുനിന്നു മാറിനിൽക്കുന്നു.

തെരഞ്ഞെടുപ്പ്​ പ്രചാരണങ്ങൾക്ക്​ ചൂടുപിടിച്ചതോടെ, കടുത്ത മത്സരം ഒഴിവാക്കാൻ മണ്ഡലങ്ങളിലെ ഏറ്റവും ശക്തനായ സ്​ഥാനാർഥിക്കുവേണ്ടി ചിലരും പിൻവാങ്ങുന്നുണ്ട്​. ​

പത്ര, ദൃശ്യ മാധ്യമങ്ങൾ, റേഡിയോ, സമൂഹമാധ്യമങ്ങൾ, സെമിനാറുകൾ, ചർച്ചകൾ തുടങ്ങി വിവിധ മേഖലകളിലായി പ്രചാരണം മുറുകു​േമ്പാൾ ഓരോ സ്​ഥാനാർഥിയുടെയും മികവും കരുത്തും വ്യക്തമായി തുടങ്ങി. 

ദോഹ: അനധികൃതമായി നിക്ഷേപങ്ങളും സാമ്പത്തിക ഇടപാടുകളും നടത്തിയ ഏഷ്യൻ വംശജൻ അറസ്​റ്റിൽ. ആവശ്യമായ ലൈസൻസ്​ ഇല്ലാതെ നിക്ഷേപങ്ങൾ സ്വീകരിക്കുകയും നിരവധി സാമ്പത്തിക ഇടപാടുകൾ നടത്തുകയും കള്ളപ്പണ ഇടപാടിൽ പങ്കാളിയാവുകയും ചെയ്​ത കുറ്റങ്ങളുടെ പേരിലാണ്​ ജനറൽ ഡിപ്പാർട്​മെൻറ്​ ഓഫ്​ ക്രിമിനൽ ഇൻവെസ്​റ്റിഗേഷനിലെ സാമ്പത്തിക, സൈബർ കുറ്റകൃത്യം തടയുന്ന സംഘം യുവാവി​െന അറസ്​റ്റു ചെയ്​തത്​. ഇയാളിൽനിന്ന്​ നിരവധി ആഡംബര വാഹനങ്ങൾ, വിവിധ നിക്ഷേപങ്ങളുടെ രേഖകൾ, ഖത്തറി​െൻറയും വിദേശ രാജ്യങ്ങളുടെയും കറൻസികൾ, ആഡംബര വസ്​തുക്കൾ എന്നിവ പിടികൂടി. കുറ്റവാളിയുടെയും പിടിച്ചെടുത്ത വസ്​തുക്കളുടെയും ചിത്രങ്ങൾ ആഭ്യന്തര മ​ന്ത്രാലയം പുറത്തുവിട്ടു.

ബന്ധപ്പെട്ട വിഭാഗങ്ങളിൽനിന്ന്​ ലൈസൻസ്​ ഇല്ലാതെയാണ്​ നിക്ഷേപങ്ങളും വൻ സാമ്പത്തിക ഇടപാടുകളും നടത്തിയതെന്ന്​ അധികൃതർ അറിയിച്ചു. പബ്ലിക് പ്രോസിക്യൂഷനില്‍നിന്ന്​ അറസ്​റ്റിനും റെയ്​ഡിനുമുള്ള വാറൻറ്​​ നേടിയതിനുശേഷമാണ് ആഭ്യന്തര മന്ത്രാലയം ഉദ്യോഗസ്ഥര്‍ സ്വവസതിയില്‍നിന്ന്​ ഇയാളെ അറസ്​റ്റു ചെയ്​തത്​്​. ചോദ്യംചെയ്യലില്‍ പ്രതി കുറ്റം സമ്മതിച്ചു. കള്ളപ്പണം വെളുപ്പിച്ച കുറ്റത്തിനു പുറമേ, ലൈസന്‍സുകളില്ലാതെ സാമ്പത്തിക, ധനകാര്യ പ്രവര്‍ത്തനങ്ങളില്‍ ഏര്‍പ്പെട്ടതിനും ഇയാള്‍ക്കെതിരെ കുറ്റം ചുമത്തിയിട്ടുണ്ട്. പബ്ലിക് പ്രോസിക്യൂഷന്‍ തുടര്‍നടപടികള്‍ പൂര്‍ത്തിയാക്കും. അത്യാഡംബര കാറുകൾ, ബൈക്കുകൾ, വിലകൂടിയ വാച്ചുകൾ, ആഭരണങ്ങൾ എന്നിവയും പിടിച്ചെടുത്തവയിൽ ഉൾപ്പെടും.