കല്ലറ: കാട്ടുപന്നിയുടെ ആക്രമണത്തില് പരിക്കേറ്റ യുവാവ് ആശുപത്രിയില്. കല്ലറ തുമ്പോട് ആദര്ശ് ഭവനില് ആദര്ശാണ് (27) ബോധമറ്റ് ആശുപത്രിയിൽ കഴിയുന്നത്.
മാര്ച്ച് 29ന് രാത്രി 10ന് കല്ലറ തറട്ട ജങ്ഷന് സമീപമാണ് ആദര്ശിനെ പന്നി ആക്രമിച്ചത്. ബൈക്കില്നിന്ന് തെറിച്ചുവീണ് സാരമായി പരിക്കേറ്റ് ബോധം നഷ്ടപ്പെട്ടു.
തിരുവനന്തപുരം മെഡിക്കല് കോളജ് ആശുപത്രിയില് ഒരാഴ്ചത്തെ ചികിത്സക്കുശേഷം ഓപറേഷനും നടത്തി. എന്നാല്, ഇതിനുശേഷവും ബോധമറ്റനിലയില് ചികിത്സയിലാണ് ആദർശ്.