ചൂടിൽ വാടി ക്ഷീരമേഖല; പാലുൽപാദനത്തിൽ ഗണ്യമായി കുറവ്

പ​ന്ത​ളം: വേ​ന​ൽ ചൂ​ട്​ ക​ടു​ത്ത​ത്​ ക്ഷീ​ര​മേ​ഖ​ല​യെ സാ​ര​മാ​യി ബാ​ധി​ച്ചു​തു​ട​ങ്ങി. പാ​ലു​ൽ​പാ​ദ​ന​ത്തി​ൽ ഗ​ണ്യ​മാ​യ കു​റ​വ് അ​നു​ഭ​വ​പ്പെ​ടു​ന്ന​താ​യി ക​ർ​ഷ​ക​ർ. രാ​വി​ലെ​യും വൈ​കീ​ട്ടു​മാ​യി 75 ലി​റ്റ​ർ ശേ​ഖ​രി​ച്ചി​രു​ന്ന സം​ഘ​ങ്ങ​ളി​ൽ ര​ണ്ടു​നേ​ര​വും കൂ​ടി 30 ലി​റ്റ​ർ പോ​ലും ല​ഭി​ക്കു​ന്നി​ല്ലെ​ന്ന്​ ക്ഷീ​ര സ​ഹ​ക​ര​ണ സം​ഘം അ​ധി​കൃ​ത​ർ പ​റ​യു​ന്നു. ചൂ​ട് കൂ​ടി​യ​തോ​ടെ പ​ശു​ക്ക​ൾ​ക്ക്​ ത​ള​ർ​ച്ച അ​നു​ഭ​വ​പ്പെ​ടു​ന്ന​തി​നാ​ൽ തീ​റ്റ​യെ​ടു​ക്കാ​ൻ മ​ടി​ക്കു​ക​യാ​ണ്. കൂ​ടാ​തെ പ​ച്ച​പ്പു​ല്ലി​ന്‍റെ ല​ഭ്യ​ത കു​റ​യു​ക​യും ചെ​യ്തു.

മൃ​ഗാ​ശു​പ​ത്രി​ക​ളു​ടെ നേ​തൃ​ത്വ​ത്തി​ൽ വേ​ന​ൽ​ക്കാ​ല ക്യാ​മ്പു​ക​ൾ ന​ട​ത്തു​ക​യും അ​തി​ലൂ​ടെ മി​ന​റ​ൽ മി​ക്സ്ച​ർ ന​ൽ​കു​ക​യും വേ​ണ​മെ​ന്ന്​ ക്ഷീ​ര ക​ർ​ഷ​ക​ർ ആ​വ​ശ്യ​പ്പെ​ടു​ന്നു​ണ്ട്. ക്ഷീ​ര​ക​ർ​ഷ​ക​രു​ടെ വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ് പ​ശു​വ​ള​ർ​ത്ത​ൽ തൊ​ഴി​ലു​റ​പ്പി​ൽ പെ​ടു​ത്ത​ണ​മെ​ന്ന​ത്. അ​ങ്ങ​നെ​യാ​യാ​ൽ കൂ​ടു​ത​ൽ ക്ഷീ​ര​ക​ർ​ഷ​ക​രെ ഈ ​രം​ഗ​ത്തേ​ക്ക് കൊ​ണ്ടു​വ​രാ​ൻ ക​ഴി​യു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്.

വ​ള​ർ​ത്തുമ​ത്സ്യ​ങ്ങ​ൾ ച​ത്തു​പൊ​ങ്ങു​ന്നു

ചൂ​ടു കൂ​ടി​യ​തോ​ടെ വ​ള​ർ​ത്തു​മ​ത്സ്യ​ങ്ങ​ൾ ച​ത്തു​പൊ​ങ്ങു​ന്നു. പാ​ട​ശേ​ഖ​ര​ങ്ങ​ളി​ലും കു​ള​ങ്ങ​ളി​ലും വ​ള​ർ​ത്തു​ന്ന മീ​നു​ക​ളാ​ണ് ചാ​വു​ന്ന​ത്. ഉ​ച്ച​ക്ക്​ മൂ​ന്നു മ​ണി​യാ​വു​മ്പോ​ഴേ​ക്കും പൊ​ള്ളു​ന്ന ത​ര​ത്തി​ലാ​ണ്​ വെ​ള്ള​ത്തി​ന്റെ ചൂ​ട്. നാ​ട​ൻ മ​ത്സ്യ​ങ്ങ​ളെ കാ​ര്യ​മാ​യി ബാ​ധി​ക്കു​ന്നി​ല്ലെ​ങ്കി​ലും ക​ട​ല, രോ​ഹു, ഗ്രാ​സ് കാ​ർ​പ്, വാ​ള എ​ന്നീ മീ​നു​ക​ളെ​യാ​ണു ചൂ​ട് കാ​ര്യ​മാ​യി ബാ​ധി​ക്കു​ന്ന​ത്. ചൂ​ട്​ കൂ​ടി​യ​തി​നാ​ൽ മീ​ൻ വാ​ങ്ങാ​ൻ മൊ​ത്ത​ക്ക​ച്ച​വ​ട​ക്കാ​ർ എ​ത്തു​ന്നു​മി​ല്ല. ഇ​ത്ത​രം മീ​നു​ക​ൾ പി​ടി​ച്ചാ​ൽ കൂ​ടു​ത​ൽ ദി​വ​സം സൂ​ക്ഷി​ച്ചു​വെ​ക്കാ​ൻ ക​ഴി​യി​ല്ലെ​ന്ന​താ​ണ് കാ​ര​ണ​മാ​യി പ​റ​യു​ന്ന​ത്. ആ​വ​ശ്യ​ക്കാ​ർ കു​റ​ഞ്ഞ​തി​നാ​ൽ മീ​ൻ വി​ല കു​റ​ഞ്ഞ​തും, ച​ത്തു​പോ​കു​ന്ന​തും ക​ർ​ഷ​ക​രെ ന​ഷ്ട​ത്തി​ലാ​ക്കി​യി​രി​ക്കു​ക​യാ​ണ്.