തിരുവല്ലയിൽ മോഷണം തുടരുന്നു: ഇരുട്ടിൽ തപ്പി പൊലീസ്

തി​രു​വ​ല്ല: തി​രു​വ​ല്ല​യി​ൽ ക​ഴി​ഞ്ഞ ഒ​രു മാ​സ​ത്തി​നി​ടെ അ​ട​ച്ചി​ട്ട വീ​ടു​ക​ൾ കു​ത്തി​ത്തു​റ​ന്ന് ന​ട​ത്തി​യ ര​ണ്ട് മോ​ഷ​ണ​ങ്ങ​ളി​ലെ പ്ര​തി​ക​ളെ ഇ​നി​യും പി​ടി​കൂ​ടാ​നാ​വാ​തെ പൊ​ലീ​സ്. ക​ഴി​ഞ്ഞ മാ​സം 24ന് ​കാ​ര​യ്ക്ക​ലി​ൽ വി​ദേ​ശ മ​ല​യാ​ളി​യു​ടെ ഉ​ട​മ​സ്ഥ​ത​യി​ലു​ള്ള അ​ട​ച്ചി​ട്ടി​രു​ന്ന വീ​ടി​ന്‍റെ മു​ൻ വാ​തി​ൽ കു​ത്തി​ത്തു​റ​ന്ന് കി​ട​പ്പു​മു​റി​യി​ലെ അ​ല​മാ​ര​യി​ൽ സൂ​ക്ഷി​ച്ചി​രു​ന്ന നാ​ല് പ​വ​നോ​ളം തൂ​ക്കം വ​രു​ന്ന സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്നി​രു​ന്നു. കു​ടും​ബ​സ​മേ​തം കു​വൈ​ത്തി​ൽ താ​മ​സി​ക്കു​ന്ന കാ​ര​യ്ക്ക​ൽ കൂ​ട്ടു​മ്മേ​ൽ വാ​ഴ​പ്പ​റ​മ്പി​ൽ ജോ​ൺ ചാ​ണ്ടി​യു​ടെ വീ​ട്ടി​ലാ​ണ് ക​വ​ർ​ച്ച ന​ട​ന്ന​ത്.

ചെ​ടി​ക​ൾ ന​ന​യ്ക്കു​ന്ന​തി​നാ​യി അ​ടു​ത്ത ബ​ന്ധു​വാ​യ സ്ത്രീ ​എ​ത്തി​യ​പ്പോ​ഴാ​ണ് വാ​തി​ൽ കു​ത്തി തു​റ​ന്ന നി​ല​യി​ൽ ക​ണ്ട​ത്. തു​ട​ർ​ന്ന് പു​ളി​ക്കീ​ഴ് പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പൊ​ലീ​സ് സം​ഘ​വും വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും സ്ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചി​രു​ന്നു. വീ​ടി​ന്‍റെ സ​മീ​പ പ്ര​ദേ​ശ​ങ്ങ​ളി​ലെ സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സ് അ​ടു​ത്ത​ദി​വ​സം ത​ന്നെ ശേ​ഖ​രി​ച്ചി​രു​ന്നു. തി​രു​വ​ല്ല​യി​ലെ ചു​മ​ത്ര​യി​ലാ​ണ് ഈ ​മാ​സം നാ​ലി​ന്​ ര​ണ്ടാ​മ​ത്തെ മോ​ഷ​ണം ന​ട​ന്ന​ത്.

വി​ദേ​ശ മ​ല​യാ​ളി​യാ​യ ചു​മ​ത്ര പു​ന​ക്കു​ള​ത്ത് ജോ​ജി മാ​ത്യു​വി​ന്റെ വീ​ടി​ന്‍റെ മു​ൻ വാ​തി​ൽ കു​ത്തി​ത്തു​റ​ന്നാ​യി​രു​ന്നു മോ​ഷ​ണം. ഇ​വി​ടെ നി​ന്നും കി​ട​പ്പു​മു​റി​യു​ടെ അ​ല​മാ​ര​യി​ൽ സൂ​ക്ഷി​ച്ചി​രു​ന്ന മൂ​ന്ന്​ പ​വ​ൻ തൂ​ക്കം വ​രു​ന്ന സ്വ​ർ​ണാ​ഭ​ര​ണ​ങ്ങ​ളും 30,000 രൂ​പ​യും ക​വ​ർ​ച്ച ചെ​യ്യ​പ്പെ​ട്ടു. ജോ​ജി മാ​ത്യു​വി​ന്റെ മാ​താ​വ് മ​റി​യാ​മ്മ മാ​ത്യു​വാ​ണ് വീ​ട്ടി​ൽ താ​മ​സി​ച്ചി​രു​ന്ന​ത്. മോ​ഷ​ണം ന​ട​ന്ന​തി​ന്റെ ത​ലേ​ദി​വ​സം മ​റി​യാ​മ്മ കു​ടും​ബ വീ​ട്ടി​ലേ​ക്ക് പോ​യി​രു​ന്നു. നാ​ലാം തീ​യ​തി രാ​വി​ലെ വീ​ട്ടി​ൽ എ​ത്തി​യ​പ്പോ​ഴാ​ണ് വീ​ടി​ന്‍റെ മു​ൻ വാ​തി​ലും കി​ട​പ്പു​മു​റി​ക​ളി​ലെ അ​ല​മാ​ര​ക​ളും കു​ത്തി​ത്തു​റ​ന്ന നി​ല​യി​ൽ കാ​ണ​പ്പെ​ട്ട​ത്.

തു​ട​ർ​ന്ന് തി​രു​വ​ല്ല പൊ​ലീ​സി​ൽ വി​വ​രം അ​റി​യി​ച്ചു. ഇ​വി​ടെ​യും വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും എ​ത്തി തെ​ളി​വു​ക​ൾ ശേ​ഖ​രി​ച്ചി​രു​ന്നു. സ​മാ​ന​മാ​യ ത​ര​ത്തി​ൽ ര​ണ്ടാ​മ​ത്തെ മോ​ഷ​ണം ന​ട​ന്ന്​ ഒ​രാ​ഴ്ച പി​ന്നി​ട്ടി​ട്ടും അ​ന്വേ​ഷ​ണ​ത്തി​ൽ കാ​ര്യ​മാ​യ പു​രോ​ഗ​തി ഉ​ണ്ടാ​യി​ട്ടി​ല്ല. അ​തേ​സ​മ​യം ര​ണ്ട് മോ​ഷ​ണ​ങ്ങ​ൾ ന​ട​ന്ന സ്ഥ​ല​ങ്ങ​ളി​ൽ നി​ന്നും ല​ഭി​ച്ച സി.​സി.​ടി.​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് അ​ന്വേ​ഷ​ണം പു​രോ​ഗ​മി​ക്കു​ന്ന​താ​യും പ്ര​തി​ക​ളെ ഉ​ട​ൻ പി​ടി​കൂ​ടു​മെ​ന്നും തി​രു​വ​ല്ല ഡി.​വൈ.​എ​സ്.​പി എ​സ്. അ​ഷാ​ദ് പ​റ​ഞ്ഞു.