മാ​മ്പ​ഴ​ക്കാ​ല​ത്തെ പു​ണ്യ​​വ്രത സ്മ​ര​ണ​ക​ളി​ൽ കു​ഞ്ഞി​മു​ഹ​മ്മ​ദ് മു​സ്‍ലി​യാ​ർ

ചാ​വ​ക്കാ​ട്: ജി​ല്ല​യി​ൽ ഏ​റ്റ​വും കൂ​ടു​ത​ൽ​കാ​ലം ഖ​ത്തീ​ബാ​യി പ്ര​വ​ർ​ത്തി​ച്ച​വ​രി​ലൊ​രാ​ളാ​ണ് മ​ന്ദ​ലാം​കു​ന്ന് എം.​വി. കു​ഞ്ഞി​മു​ഹ​മ്മ​ദ് മു​സ്‍ലി​യാ​ർ (94). സ്വ​ന്തം മ​ഹ​ല്ല് പ​ള്ളി​യി​ൽ ഖ​ത്തീ​ബാ​യി 40 വ​ർ​ഷം സേ​വ​ന​മ​നു​ഷ്ടി​ച്ച അ​പൂ​ർ​വം പ​ണ്ഡി​ത​രി​ലൊ​രാ​ൾ. 40 വ​ർ​ഷ​ക്കാ​ല​ത്തെ റ​മ​ദാ​ൻ മാ​സ​വും രാ​ത്രി ന​മ​സ്കാ​ര​ത്തി​ന് നേ​തൃ​ത്വം ന​ൽ​കാ​നാ​യ​തും അ​ദ്ദേ​ഹ​ത്തി​ന്റെ മ​റ്റൊ​രു അ​പൂ​ർ​വ​ത​യാ​ണ്.

ഹി​ജ​റ 398ലാ​ണ് പ​ള്ളി​യു​ടെ നി​ർ​മാ​ണം. ആ​യി​ര​ത്തി​ലേ​റെ വ​ർ​ഷം പ​ഴ​ക്ക​മു​ണ്ട് മ​ന്ദ​ലാം​കു​ന്ന് ജ​മാ​അ​ത്ത് പ​ള്ളി​ക്ക്‌. ഇ​ന്നാ​ട്ടി​ലെ വെ​ള്ളി​യാ​ഴ്ച ഖു​തു​ബ​ക​ളു​ടെ​യും ത​റാ​വീ​ഹ് ന​മ​സ്കാ​ര​ങ്ങ​ളി​ലേ​യും ശ​ബ്ദ​മാ​യി​രു​ന്നു കു​ഞ്ഞ​ഹ​മ്മ​ദ് മു​സ്‍ലി​ലി​യാ​ർ. ആ​ദ്യ​കാ​ല​ത്തെ റ​മ​ദാ​ൻ മാ​സ ഓ​ർ​മ​ക​ൾ ഇ​പ്പോ​ഴും മ​ങ്ങാ​തെ അ​ദ്ദേ​ഹ​ത്തി​ന്റെ മ​ന​സ്സി​ലു​ണ്ട്. നോ​മ്പ് അ​ടു​ത്താ​ൽ പൊ​ന്നാ​നി​യി​ൽ നി​ല​വി​ലു​ള്ള​ത് കൂ​ടാ​തെ സ്​​പെ​ഷ​ൽ ച​ന്ത​യു​ണ്ടാ​വാ​റു​ണ്ട്. പു​ന്ന​യൂ​ർ​ക്കു​ള​ത്ത് ആ​റ്റു​പു​റ​ത്തെ പ​ഴ​യ​ച​ന്ത കൂ​ടാ​തെ ക​ടി​ക്കാ​ടും ച​ന്ത​യു​ണ്ടാ​യി​രു​ന്നു. കൂ​ടാ​തെ ചാ​വ​ക്കാ​ട് ച​ന്ത​യും.

ഈ ​നാ​ല് ച​ന്ത​ക​ളി​ൽ നി​ന്നാ​ണ് വീ​ടു​ക​ളി​ലേ​ക്കു​ള്ള ഭ​ക്ഷ​ണ സാ​ധ​ന​ങ്ങ​ൾ വാ​ങ്ങി​യി​രു​ന്ന​ത്. പൊ​ന്നാ​നി​യി​ലേ​ക്കും ചാ​വ​ക്കാ​ട്ടേ​ക്കും ക​നോ​ലി ക​നാ​ൽ വ​ഴി വ​ഞ്ചി​ക​ളി​ലാ​യി​രു​ന്നു യാ​ത്ര​ക​ൾ. ച​ക്ക​ര​പ്പാ​ലാ​ണ് അ​ത്താ​ഴ​ത്തി​ലെ പ്ര​ധാ​ന വി​ഭ​വം. തേ​ങ്ങാ​പ്പാ​ലി​ൽ ചെ​റു​പ​ഴം പി​ഴി​ഞ്ഞ് ശ​ർ​ക്ക​ര​യും ഏ​ല​ക്കാ​യ​യു​മി​ട്ടാ​ണ് ച​ക്ക​ര​പ്പാ​ൽ ത​യാ​റാ​ക്കു​ന്ന​ത്. നോ​മ്പ് തു​റ​ക്കാ​ൻ പ​ള്ളി​ക​ളി​ൽ നി​ര​വ​ധി മ​ൺ​കൂ​ജ​ക​ളി​ലാ​യി നി​റ​ച്ചുവെ​ച്ച ത​ണു​ത്ത വെ​ള്ള​വും കാ​ര​ക്ക​യു​മു​ണ്ടാ​കും. പ​ല വീ​ടു​ക​ളി​ൽ നി​ന്നു​ള്ള ജീ​ര​ക​ക്ക​ഞ്ഞി​യും പ​ള്ളി​യി​ലെ​ത്തി​ക്കാ​റു​ണ്ട്. ന​ല്ല​ജീ​ര​കം, പ​ച്ച​രി, തേ​ങ്ങ അ​ര​ച്ച​ത്, ചെ​റി​യ ഉ​ള്ളി എ​ന്നി​വ കൂ​ടാ​തെ പു​ത്ത​രി​ച്ചു​ണ്ട​വേ​രു​മി​ട്ട് തി​ള​പ്പി​ച്ചാ​ണ് ജീ​ര​ക​ഞ്ഞി​യു​ണ്ടാ​ക്കി​യി​രു​ന്ന​ത്. ഇ​ന്ന​ത്തെ പോ​ലെ പ​ഴ വ​ർ​ഗ​ങ്ങ​ൾ ല​ഭ്യ​മ​ല്ലാ​ത്ത കാ​ല​മാ​യി​രു​ന്നെ​ങ്കി​ലും എ​ല്ലാ​നോ​മ്പി​നും മാ​മ്പ​ഴം സു​ല​ഭ​മാ​യി​രു​ന്നു. കോ​യ​മ്പ​ത്തൂ​രി​ൽ​നി​ന്നാ​ണ് മാ​മ്പ​ഴ​മെ​ത്തി​യി​രു​ന്ന​ത്.

നോ​മ്പു​കാ​ല​ത്തെ പ്ര​ധാ​ന ദി​വ​സ​ങ്ങ​ളി​ൽ കോ​ഴി​യി​റ​ച്ചി​യാ​ണ് വീ​ടു​ക​ളി​ലെ സ്​​പെ​ഷ​ൽ. നോ​മ്പി​ന്റെ പ്ര​ത്യേ​ക വി​ഭ​വ​ങ്ങ​ളാ​യി പൊ​ന്നാ​നി ച​ന്ത​യി​ൽ ഗോ​ത​മ്പും ഇ​റ​ച്ചി​യു​മി​ട്ട് വേ​വി​ച്ച അ​രീ​സ​യു​മു​ണ്ടാ​യി​രു​ന്നു. അ​ത്താ​ഴ സ​മ​യ​മ​റി​യി​ക്കാ​ൻ അ​റ​ബ​ന​യു​മാ​യി പാ​ട്ടു​പാ​ടി ഉ​റ​ക്ക​മു​ണ​ർ​ത്തി​യി​രു​ന്ന ‘അ​ത്താ​ഴം മു​ട്ടു​കാ​രു’​മു​ണ്ടാ​യി​രു​ന്നു. മൈ​ക്കും ഉ​ച്ച​ഭാ​ഷി​ണി​യും വ​രു​ന്ന​തി​നു മു​മ്പ് നോ​മ്പു​തു​റ സ​മ​യ​ത്ത് പൊ​ന്നാ​നി​യി​ൽ നി​ന്നാ​യി​രു​ന്നു ക​തി​ന പൊ​ട്ടി​ച്ചി​രു​ന്ന​ത്. പി​ന്നീ​ട് പ​ല ഭാ​ഗ​ത്തു​നി​ന്നും ക​തി​ന പൊ​ട്ടി​ക്കു​മാ​യി​രു​ന്നു. നാ​ട്ടി​ൽ പ​ള്ളി​യു​ടെ ഏ​റ്റ​വും മു​ക​ളി​ൽ ക​യ​റി ഏ​നു​ക്ക എ​ന്ന് പേ​രു​ള്ള​യാ​ൾ ഉ​ച്ച​ത്തി​ൽ ബാ​ങ്ക് വി​ളി​ക്കും.

കാ​തോ​ർ​ത്താ​ൽ മ​ഹ​ല്ല് മു​ഴു​വ​ൻ ആ ​ശ​ബ്ദം കേ​ൾ​ക്കാം. പ്രാ​യ​മേ​റെ​യാ​യ​തോ​ടെ ഖ​ത്തീ​ബ് സ്ഥാ​ന​മൊ​ഴി​വാ​ക്കി​യെ​ങ്കി​ലും സ​ഹ​പ്ര​വ​ർ​ത്ത​ക​രു​ടെ​യും ശി​ഷ്യ​ഗ​ണ​ങ്ങ​ളു​ടെ​യും നി​ർ​ബ​ന്ധ​ത്താ​ൽ സ​മ​സ്ത കേ​ര​ള ജം​ഇ​യ്യ​ത്തു​ൽ ഉ​ല​മ ചാ​വ​ക്കാ​ട് മേ​ഖ​ല​യു​ടെ പ്ര​സി​ഡ​ന്റ് സ്ഥാ​നം മാ​ത്രം അ​ദ്ദേ​ഹം ഒ​ഴി​വാ​ക്കി​യി​ട്ടി​ല്ല. നാ​ട്ടു​കാ​രി​യാ​യ ക​ട​വി​ൽ ആ​യി​ഷ​യാ​ണ് മു​സ്‍ലി​യാ​രു​ടെ സ​ഹ​ധ​ർ​മ്മി​ണി. ഗ​ൾ​ഫ് പ്ര​വാ​സി​യും സാ​മൂ​ഹി​ക പ്ര​വ​ർ​ത്ത​ക​നു​മാ​യ എം.​കെ. അ​ബൂ​ബ​ക്ക​ർ, മ​ന്ദ​ലാം​കു​ന്നി​ലെ പ​ല​ച​ര​ക്ക് വ്യാ​പാ​രി അ​ബ്ദു​ല്ല എ​ന്നി​വ​രു​ൾ​പ്പ​ടെ ഏ​ഴ് മ​ക്ക​ളാ​ണ് അ​ദ്ദേ​ഹ​ത്തി​ന്.