പ​ട്ടാ​ള​ക്കു​പ്പാ​യ​ത്തി​ൽ മ​ല​യാ​ളി​ത്തി​ള​ക്കം

പ​നാ​ജി: സ്വ​ന്തം ക്യാ​മ്പി​ലെ​ത്തി​ക്കാ​നു​ള്ള കേ​ര​ള ശ്ര​മ​ങ്ങ​ൾ പ​രാ​ജ​യ​പ്പെ​ട്ട​തോ​ടെ, പ​ട്ടാ​ള​ക്കു​പ്പാ​യ​ത്തി​ൽ ദേ​ശീ​യ ഗെ​യിം​സി​നെ​ത്തി​യ മ​ല​യാ​ളി​താ​രം മ​നു മു​ര​ളി​ക്ക് വെ​ള്ളി. സ​ർ​വി​സ​സി​നാ​യി മ​ത്സ​രി​ച്ച തി​രു​വ​ന​ന്ത​പു​രം കാ​ര്യ​വ​ട്ടം സ്വ​ദേ​ശി​യാ​യ മ​നു ജിം​നാ​സ്റ്റി​ക്സ് ട്രം​പോ​ളി​നി​ലാ​ണ് ര​ണ്ടാ​മ​തെ​ത്തി​യ​ത്. ദേ​ശീ​യ ഗെ​യിം​സി​ലെ തു​ട​ർ​ച്ച​യാ​യ ര​ണ്ടാം വെ​ള്ളി നേ​ട്ട​മാ​ണി​ത്. ക​ഴി​ഞ്ഞ ഗെ​യിം​സി​ലും ഇ​തേ ഇ​ന​ത്തി​ൽ ബം​ഗ​ളൂ​രു മ​ദ്രാ​സ് എ​ൻ​ജി​നീ​യ​റി​ങ് ഗ്രൂ​പ്പി​ലെ നാ​യ​ക് ഹ​വി​ൽ​ദാ​റാ​യ മ​നു വെ​ള്ളി സ്വ​ന്ത​മാ​ക്കി​യി​രു​ന്നു.

ഇ​ത്ത​വ​ണ ദേ​ശീ​യ ഗെ​യിം​സി​ൽ കേ​ര​ള​ത്തി​നാ​യി മ​ത്സ​രി​ക്കാ​ൻ മ​നു​വി​നെ അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് സ​ർ​വി​സ​സ് ടീം ​മാ​നേ​ജ്മെ​ന്റി​ന് കേ​ര​ള ടീം ​അ​പേ​ക്ഷ ന​ൽ​കി​യി​രു​ന്നു. എ​ന്നാ​ൽ, സ​ർ​വി​സ​സ് അ​നു​വ​ദി​ച്ചി​ല്ല. ഇ​തോ​ടെ സ​ർ​വി​സ​സി​നാ​യി ഇ​റ​ങ്ങു​ക​യാ​യി​രു​ന്നു. മ​നു​വി​ന്റെ പ​രി​ശീ​ല​ക​നാ​യ സ​ർ​വി​സ​സ് കോ​ച്ച് സി.​കെ. സ​ന്ദീ​പും മ​ല​യാ​ളി​യാ​ണ്; ത​ല​ശ്ശേ​രി സ്വ​ദേ​ശി. 1999 മു​ത​ൽ 2010 വ​രെ കേ​ര​ള ജി​നാം​സ്റ്റി​ക് താ​ര​മാ​യി​രു​ന്ന മ​നു പി​ന്നീ​ട് ആ​ർ​മി​യി​ൽ ചേ​ർ​ന്ന​തോ​ടെ സ​ർ​വി​സ​സി​നാ​യി മ​ത്സ​രി​ക്കാ​നി​റ​ങ്ങു​ക​യാ​യി​രു​ന്നു. 2022ൽ ​അ​സ​ർ​ബൈ​ജാ​നി​ൽ ന​ട​ന്ന ജിം​നാ​സ്റ്റി​ക്സ് ലോ​ക​ക​പ്പി​ലും ഈ ​തി​രു​വ​ന​ന്ത​പു​ര​ത്തു​കാ​ര​ൻ മ​ത്സ​രി​ച്ചി​രു​ന്നു.