ഖിനാലിക്; അസർബൈജാനിലെ മഞ്ഞു താഴ്വര

അ​സ​ർ​ബൈ​ജാ​നി​ലെ കോ​ക്ക​സ​സ് പ​ർ​വ​ത​നി​ര​യി​ൽ സ്ഥി​തി​ചെ​യ്യു​ന്ന സു​ന്ദ​ര​മാ​യ ഒ​രു ഗ്രാ​മ​മാ​ണ് ഖി​നാ​ലി​ക്. അ​സ​ർ​ബൈ​ജാ​ന്റെ ത​ല​സ്ഥാ​ന​മാ​യ ബാ​ക്കു​വി​ൽ​നി​ന്ന് ഏ​ക​ദേ​ശം നാ​ലു​മ​ണി​ക്കൂ​ർ യാ​ത്ര​ചെ​യ്താ​ൽ ഖി​നാ​ലി​ക് ഗ്രാ​മ​ത്തി​ൽ എ​ത്താം. സ​മു​ദ്ര​നി​ര​പ്പി​ൽ​നി​ന്നും 2350 മീ​റ്റ​ർ അ​ടി മു​ക​ളി​ലാ​ണ് ഈ ​പ​ർ​വ​ത ഗ്രാ​മം. അ​തി​നാ​ൽ​ത​ന്നെ ശൈ​ത്യ​കാ​ലം അ​തി​ക​ഠി​ന​മാ​യി​രി​ക്കും. ഏ​ക​ദേ​ശം ആ​റു​മാ​സം നീ​ണ്ടു​നി​ൽ​ക്കു​ന്ന ശൈ​ത്യ​കാ​ല​ത്ത് താ​പ​നി​ല മൈ​ന​സ് 30 ഡി​ഗ്രി​യി​ൽ​വ​രെ എ​ത്താ​റു​ണ്ട്.

സ്വ​ന്തം ഭാ​ഷ​യും സം​സ്കാ​ര​വും

ഗ്രാ​മ​വാ​സി​ക​ൾ ഇ​ന്നും ഉ​പ​യോ​ഗി​ക്കു​ന്ന​ത് വ​ള​രെ പ​ഴ​ക്ക​മു​ള്ള കെ​റ​റ്ഷ് എ​ന്ന അ​വ​രു​ടേ​തു​മാ​ത്ര​മാ​യ ലോ​ക​ത്ത് മ​റ്റാ​രും ഉ​പ​യോ​ഗി​ക്കാ​ത്ത ഭാ​ഷ​യാ​ണ്. 5000 വ​ർ​ഷ​ങ്ങ​ൾ​ക്ക​പ്പു​റ​ത്ത് അ​ൽ​ബേ​നി​യ​യി​ൽ ജീ​വി​ച്ചി​രു​ന്ന ഒ​രു ഗോ​ത്ര​വ​ർ​ഗ​ത്തി​ന്റെ പി​ൻ​ഗാ​മി​ക​ളാ​ണ് ഖി​നാ​ലി​കി​ലെ ഗ്രാ​മീ​ണ​ർ എ​ന്ന് വി​ശ്വ​സി​ക്കു​ന്നു. ഇ​രു​നൂ​റി​നും മു​ന്നൂ​റി​നും ഇ​ട​യി​ൽ വ​ർ​ഷം പ​ഴ​ക്ക​മു​ള്ള പ്ര​ത്യേ​ക രീ​തി​യി​ൽ നി​ർ​മി​ച്ച ക​ല്ലു​വീ​ടു​ക​ൾ ഈ ​ഗ്രാ​മ​ത്തി​ന്റെ പ്ര​ത്യേ​ക​ത​യാ​ണ്. തൊ​ട്ട​ടു​ത്ത പു​ഴ​യി​ൽ​നി​ന്നും ക​ല്ലു​ക​ൾ ശേ​ഖ​രി​ച്ചാ​ണ് ഇ​ത്ത​ര​ത്തി​ലു​ള്ള വീ​ടു​ക​ൾ നി​ർ​മി​ക്കു​ന്ന​ത്. ഗ്രാ​മീ​ണ​ർ ത​ല​മു​റ​ക​ളാ​യി കൈ​മാ​റി വ​രു​ന്ന ആ​ചാ​ര​ങ്ങ​ൾ​ക്ക് അ​നു​സ​രി​ച്ചാ​ണ് വി​വാ​ഹ​വും മ​റ്റു ച​ട​ങ്ങു​ക​ളു​മെ​ല്ലാം ന​ട​ത്തു​ന്ന​ത്. ചെ​റി​യ രീ​തി​യി​ലു​ള്ള കൃ​ഷി​ക്ക് പു​റ​മെ ഗ്രാ​മീ​ണ​ർ പ്ര​ധാ​ന​മാ​യും ആ​ശ്ര​യി​ക്കു​ന്ന​ത് ആ​ടു​വ​ള​ർ​ത്ത​ലി​ൽ​നി​ന്നു​ള്ള വ​രു​മാ​ന​ത്തെ​യാ​ണ്. അ​തി​നാ​ൽ​ത​ന്നെ സ്ത്രീ​ക​ൾ ഇ​വി​ടെ ക​മ്പി​ളി നെ​യ്ത് വ്യ​ത്യ​സ്ത ഉ​ൽ​പ​ന്ന​ങ്ങ​ൾ ഉ​ണ്ടാ​ക്കു​ന്നു. ഗ്രാ​മ​വാ​സി​ക​ൾ ഇ​വി​ടു​ത്തെ ഉ​ൽ​പ​ന്ന​ങ്ങ​ൾ തൊ​ട്ട​ടു​ത്ത ചെ​റു​പ​ട്ട​ണ​മാ​യ ഗു​ബ​യി​ൽ കൊ​ണ്ടു​പോ​യി വി​ൽ​ക്കു​ന്നു. ഇ​വി​ടു​ത്തെ ക​മ്പി​ളി​കൊ​ണ്ട് നെ​യ്ത ഷാ​ളു​ക​ൾ പ്ര​സി​ദ്ധ​മാ​ണ്. 2006ൽ ​അ​സ​ർ​ബൈ​ജാ​നി​ലെ പ്ര​സി​ഡ​ന്റി​ന്റെ ഗ്രാ​മ​ത്തി​ലേ​ക്കു​ള്ള സ​ന്ദ​ർ​ശ​ന​ത്തി​ന്റെ ഭാ​ഗ​മാ​യാ​ണ് ഇ​വി​ടെ റോ​ഡ് നി​ർ​മി​ക്കു​ന്ന​ത്. അ​തു​വ​രെ കു​തി​ര​പ്പു​റ​ത്തു​ള്ള സ​വാ​രി​യാ​യി​രു​ന്നു ഗ്രാ​മീ​ണ​ർ കൂ​ടു​ത​ലാ​യും ഉ​പ​യോ​ഗി​ച്ചി​രു​ന്ന​ത്.

വി​നോ​ദ​സ​ഞ്ചാ​ര​ത്തി​ന് പ്രാ​ധാ​ന്യം

ത​ല​സ്ഥാ​ന ന​ഗ​ര​മാ​യ ബാ​കു​വി​ൽ​നി​ന്ന് ഞ​ങ്ങ​ൾ 17 പേ​ര​ട​ങ്ങി​യ ചെ​റു​സം​ഘം രാ​വി​ലെ എ​ട്ടു​മ​ണി​ക്ക് പു​റ​പ്പെ​ട്ടു വ്യ​ത്യ​സ്ത രാ​ജ്യ​ങ്ങ​ളി​ൽ​നി​ന്നു​ള്ള സം​ഘ​ത്തി​ൽ ഇ​ന്ത്യ​ക്കാ​ര​നാ​യി ഞാ​ൻ മാ​ത്ര​മേ ഉ​ണ്ടാ​യി​രു​ന്നു​ള്ളൂ. അ​സ​ർ​ബൈ​ജാ​ന്റെ​യും ഖി​നാ​ലി​ക്കി​ന്‍റെ​യും ച​രി​ത്ര​വും വ​ർ​ത്ത​മാ​ന​വും ഒ​ക്കെ ഗൈ​ഡ് വാ​തോ​രാ​തെ സം​സാ​രി​ച്ചു​കൊ​ണ്ടി​രു​ന്നു.

എ​ണ്ണ​യി​ൽ​നി​ന്നു​ള്ള വ​രു​മാ​നം കാ​ര​ണം രാ​ജ്യ​ത്തി​ന്റെ സ​മ്പ​ദ് വ്യ​വ​സ്ഥ ശ​ക്ത​മാ​ണ്. 1991ൽ ​രാ​ജ്യം റ​ഷ്യ​യി​ൽ​നി​ന്നും വേ​റി​ട്ട് സ്വ​ത​ന്ത്ര​മാ​യ​തി​നു​ശേ​ഷം അ​ടി​സ്ഥാ​ന​സൗ​ക​ര്യ​ങ്ങ​ളു​ടെ​യും മ​റ്റും പു​രോ​ഗ​തി​യി​ൽ രാ​ജ്യം ഏ​റെ മു​ന്നോ​ട്ടു​പോ​യി​രി​ക്കു​ന്നു. യൂ​റോ​പ്യ​ൻ വാ​സ്തു​വി​ദ്യ​യി​ൽ പ​ണി​ത വ​ർ​ഷ​ങ്ങ​ൾ പ​ഴ​ക്ക​മു​ള്ള ക​ല്ലു​ക​ൾ​കൊ​ണ്ട് നി​ർ​മി​ച്ച കെ​ട്ടി​ട​ങ്ങ​ളെ നി​ല​നി​ർ​ത്തി​ക്കൊ​ണ്ടു​ത​ന്നെ വ്യ​ത്യ​സ്ത​മാ​യ രീ​തി​യി​ൽ നി​ർ​മി​ച്ച പു​തി​യ നി​ർ​മി​തി​ക​ൾ ബാ​കു​വി​ന്റെ മു​ഖ​ച്ഛാ​യ​ത​ന്നെ മാ​റ്റി​യി​രി​ക്കു​ന്നു. യാ​ത്ര​യി​ൽ പ​ല സ്ഥ​ല​ങ്ങ​ളി​ലും ത​കൃ​തി​യാ​യി ന​ട​ക്കു​ന്ന റോ​ഡ് പ​ണി കാ​ണാം. 2025 ആ​കു​മ്പോ​ഴേ​ക്കും വി​നോ​ദ​സ​ഞ്ചാ​ര​ത്തി​ലൂ​ടെ രാ​ജ്യ​ത്തേ​ക്ക് കൂ​ടു​ത​ൽ വ​രു​മാ​ന​ത്തെ കൊ​ണ്ടു​വ​രാ​നു​ള്ള ശ്ര​മ​ത്തി​ലാ​ണ് സ​ർ​ക്കാ​ർ. ഉ​ച്ച​യോ​ടെ ഞ​ങ്ങ​ൾ ഗു​ബ​യി​ലെ​ത്തി. കോ​ക​സ​സ് പ​ർ​വ​ത​നി​ര​യി​ലേ​ക്കു​ള്ള ക​വാ​ട​മാ​ണ് ഗു​ബ. ആ​പ്പി​ൾ, മു​ന്തി​രി തു​ട​ങ്ങി​യ വ്യ​ത്യ​സ്ത പ​ഴ​വ​ർ​ഗ​ങ്ങ​ളും പ​ച്ച​ക്ക​റി​ക​ളും സ​മൃ​ദ്ധ​മാ​യി വ​ള​രു​ന്ന സു​ന്ദ​ര ഗ്രാ​മ​മാ​ണ് ഗു​ബ. റോ​ഡി​ന് ഇ​രു​വ​ശ​വും കൃ​ഷി​ത്തോ​ട്ട​ങ്ങ​ളി​ൽ​നി​ന്നും പ​റി​ച്ചെ​ടു​ത്ത ആ​പ്പി​ളു​ക​ൾ വി​ൽ​ക്കു​ന്ന ഗ്രാ​മീ​ണ​രെ കാ​ണാം.

ന​ട്ടു​ച്ച​ക്കും ഇ​രു​ട്ടും ത​ണു​പ്പും

ചെ​റു​പ​ട്ട​ണ​മാ​യ ഗു​ബ​യി​ൽ​നി​ന്ന് 25 കി​ലോ​മീ​റ്റ​ർ അ​ക​ലെ​യാ​ണ് ഗ്ര​ചാ​ഷ് വ​ന​മേ​ഖ​ല. ഈ ​പ്ര​ദേ​ശ​ത്ത് മ​ര​ങ്ങ​ൾ ധാ​രാ​ള​മാ​യി വ​ള​രു​ന്ന​തി​നാ​ൽ സൂ​ര്യ​പ്ര​കാ​ശം നി​ല​ത്ത് എ​ത്തു​ന്നി​ല്ല. ഉ​ച്ച​സ​മ​യ​ത്തും ന​ല്ല ഇ​രു​ട്ടും ത​ണു​പ്പു​മാ​ണ് അ​നു​ഭ​വ​പ്പെ​ടു​ന്ന​ത്. ഞ​ങ്ങ​ൾ​ക്കു​ള്ള ഉ​ച്ച​ഭ​ക്ഷ​ണം ഒ​രു​ക്കി​യി​രി​ക്കു​ന്ന​ത് ഇ​വി​ടെ​യാ​ണ്. അ​സ​ർ​ബൈ​ജാ​ന്റെ ത​ന​ത് ശൈ​ലി​യി​ൽ ഉ​ണ്ടാ​ക്കി​യെ​ടു​ത്ത വ്യ​ത്യ​സ്ത ഭ​ക്ഷ​ണ​ങ്ങ​ൾ. വി​നോ​ദ​സ​ഞ്ചാ​രി​ക​ളെ പ്ര​തീ​ക്ഷി​ച്ചു ന​ട​ത്തു​ന്ന ഇ​ത്ത​രം ഭ​ക്ഷ​ണ​ശാ​ല​ക​ൾ ഈ ​പ്ര​ദേ​ശ​ങ്ങ​ളി​ൽ എ​ല്ലാം ധാ​രാ​ളം കാ​ണാം. പ​ല സ്ഥാ​പ​ന​ങ്ങ​ളി​ലും സ്ത്രീ​ക​ൾ​ത​ന്നെ​യാ​ണ് ഭ​ക്ഷ​ണ​ങ്ങ​ൾ ഒ​രു​ക്കു​ന്ന​ത്. ഉ​ച്ച​ഭ​ക്ഷ​ണ​ത്തി​നു​ശേ​ഷം ഞ​ങ്ങ​ളു​ടെ യാ​ത്ര തു​ട​ർ​ന്നു. വ​ന​മേ​ഖ​ല ക​ഴി​ഞ്ഞ് വാ​ഹ​നം പ​ർ​വ​ത​നി​ര​ക​ളി​ലേ​ക്ക് പ്ര​വേ​ശി​ച്ചു. റോ​ഡി​നു ഇ​രു​വ​ശ​വും ധാ​രാ​ളം മ​നോ​ഹ​ര​മാ​യ വീ​ടു​ക​ൾ കാ​ണാം. വീ​ടി​നു​മു​റ്റ​ത്ത് നി​റ​ഞ്ഞു​നി​ൽ​ക്കു​ന്ന ആ​പ്പി​ൾ മ​ര​ങ്ങ​ളും മ​റ്റു പ​ഴ​വ​ർ​ഗ​ങ്ങ​ളും, കൂ​ട്ട​മാ​യി മേ​യു​ന്ന ആ​ട്ടി​ൻ​പ​റ്റ​ങ്ങ​ളും കൂ​ടെ കോ​ട​മൂ​ടി​യ മ​ല​നി​ര​ക​ളും യാ​ത്ര​ക്ക് ഏ​റെ ആ​സ്വാ​ദ​നം ന​ൽ​കി. പി​ന്നീ​ട് ചെ​ങ്കു​ത്താ​യ മ​ല​ക​ൾ കാ​ണാ​ൻ തു​ട​ങ്ങി.

റോ​ഡി​ന്റെ ഒ​രു വ​ശ​ത്ത് തൂ​ങ്ങി​നി​ൽ​ക്കു​ന്ന പാ​റ​ക്കെ​ട്ടു​ക​ൾ, മ​റു​വ​ശ​ത്ത് അ​ഗാ​ധ​മാ​യ ഗ​ർ​ത്തം താ​ഴ്ഭാ​ഗ​ത്ത് ഒ​ഴു​കി​ന​ട​ക്കു​ന്ന അ​രു​വി​ക​ളും കാ​ണാം. അ​ൽ​പം ഭ​യ​ത്തോ​ടെ​യാ​ണ് എ​ല്ലാ​വ​രും വാ​ഹ​ന​ത്തി​ൽ ഇ​രി​ക്കു​ന്ന​ത് ഡ്രൈ​വ​ർ ഒ​രു പോ​രാ​ളി​യെ​പ്പോ​ലെ വാ​ഹ​നം നി​യ​ന്ത്രി​ച്ചു​കൊ​ണ്ടി​രു​ന്നു. വാ​ഹ​നം പ​ർ​വ​ത​മു​ക​ളി​ൽ എ​ത്തു​ന്ന​തി​ന​നു​സ​രി​ച്ച് കോ​ട​മ​ഞ്ഞി​ന് ശ​ക്തി കൂ​ടി​ക്കൊ​ണ്ടി​രു​ന്നു. സ​ന്ധ്യ​യാ​വു​മ്പോ​ഴേ​ക്കും തി​രി​ച്ച് മ​ല​യി​റ​ങ്ങേ​ണ്ട​തി​ന്റെ പ്രാ​ധാ​ന്യം ഗൈ​ഡ് ഓ​ർ​മി​പ്പി​ച്ചു.

മ​ഞ്ഞു​മൂ​ടും ഗ്രാ​മം

ഒ​ടു​വി​ൽ ഞ​ങ്ങ​ൾ ഖി​നാ​ലി​കി​ൽ എ​ത്തി. ഗ്രാ​മ​ത്തി​ലെ ഏ​റ്റ​വും ഉ​യ​ർ​ന്ന മ​ല​നി​ര​ക​ളി​ൽ​ത​ന്നെ​യാ​ണ് ഗ്രാ​മീ​ണ​ർ വീ​ടു​ക​ൾ ഉ​ണ്ടാ​ക്കി​യി​രി​ക്കു​ന്ന​ത്. ഇ​വി​ടെ​നി​ന്നു​ള്ള ഗ്രാ​മ​ത്തി​ന്റെ കാ​ഴ്ച അ​തി​മ​നോ​ഹ​ര​മാ​ണ്. വൈ​കു​ന്നേ​രം ആ​യ​പ്പോ​ഴേ​ക്കും ത​ണു​പ്പ് ശ​ക്ത​മാ​യി തു​ട​ങ്ങി. ചെ​റി​യ മ​ഞ്ഞു​വീ​ഴ്ച മ​ഴ​പെ​യ്ത പ്ര​തീ​തി ഉ​ണ്ടാ​ക്കി​യി​രി​ക്കു​ന്നു. ഗ്രാ​മ​ത്തി​ലെ സ്ത്രീ​ക​ൾ ഉ​ണ​ങ്ങി​യ ചാ​ണ​കം വൈ​ക്കോ​ലി​ൽ ക​ല​ർ​ത്തി ഉ​ണ്ടാ​ക്കു​ന്ന ക​ട്ട​ക​ൾ അ​ട്ടി​യാ​യി എ​ടു​ത്തു​വെ​ക്കു​ന്നു. ത​ണു​പ്പു​കാ​ല​ത്തെ വ​ര​വേ​ൽ​ക്കാ​ൻ വേ​ന​ലി​ൽ അ​വ​ർ ഒ​രു​ങ്ങു​ക​യാ​ണ്. ത​ണു​പ്പു​കാ​ല​ത്ത് ബ​യോ​ഗ്യാ​സ് ആ​യി ഈ ​ക​ട്ട​ക​ളാ​ണ് അ​വ​ർ ഉ​പ​യോ​ഗി​ക്കു​ന്ന​ത്. സ​ഞ്ചാ​രി​ക​ൾ ഗ്രാ​മ​ത്തി​ലേ​ക്ക് വ​രാ​ൻ തു​ട​ങ്ങി​യ​തോ​ടു​കൂ​ടി ഗ്രാ​മ​വാ​സി​ക​ൾ പു​റ​മേ​യു​ള്ള ആ​ളു​ക​ളു​മാ​യി സം​വ​ദി​ക്കാ​ൻ ആ​രം​ഭി​ച്ചു. മ​റ്റു ഭാ​ഷ​ക​ൾ അ​ൽ​പാ​ൽ​പം സം​സാ​രി​ക്കാ​ൻ പ​ഠി​ച്ചു. ഈ ​അ​ടു​ത്ത​കാ​ല​ത്ത് ഗ്രാ​മ​വാ​സി​ക​ൾ​ക്കാ​യി ഇ​ന്റ​ർ​നെ​റ്റ് സം​വി​ധാ​നം സ​ർ​ക്കാ​ർ ഒ​രു​ക്കി​ക്കൊ​ടു​ത്തു. ഇ​ത് ഗ്രാ​മ​വാ​സി​ക​ൾ​ക്ക് പു​റം​ലോ​ക​വു​മാ​യു​ള്ള ബ​ന്ധ​ത്തി​ന് വേ​ഗം കൂ​ട്ടി.

അ​സ​ർ​ബൈ​ജാ​നി​ലെ ഭ​ര​ണ​കൂ​ടം ഇ​ന്ന് ഈ ​ഗ്രാ​മ​വാ​സി​ക​ളെ പ​ല​രീ​തി​യി​ലും സം​ര​ക്ഷി​ക്കു​ന്നു. ര​ണ്ട് ഗ്രാ​മ​ങ്ങ​ളി​ലാ​യി താ​മ​സി​ക്കു​ന്ന കു​ട്ടി​ക​ൾ​ക്കാ​യി ഒ​രു സ്കൂ​ൾ പ​ണി​തി​ട്ടു​ണ്ട്. ഉ​പ​രി​പ​ഠ​നം ആ​ഗ്ര​ഹി​ക്കു​ന്ന​വ​ർ​ക്കാ​യി ബാ​ക്കു​വി​ലെ സ​ർ​വ​ക​ലാ​ശാ​ല​ക​ളി​ൽ പ​ഠ​ന​ത്തി​നാ​യി സൗ​ക​ര്യ​ങ്ങ​ൾ ചെ​യ്തു​കൊ​ടു​ക്കു​ന്നു. പ്രാ​ചീ​ന​ത​യെ സം​ര​ക്ഷി​ക്കു​ക എ​ന്ന​ത് ഏ​റ്റ​വും പ്ര​യാ​സ​ക​ര​മാ​യ കാ​ല​ത്താ​ണ് 200നും 300​നും ഇ​ട​യി​ൽ വ​ർ​ഷം പ​ഴ​ക്ക​മു​ള്ള വീ​ടു​ക​ൾ ഇ​വി​ടെ നി​ല​നി​ർ​ത്തി​യി​രി​ക്കു​ന്ന​ത്. ഗ്രാ​മ​വാ​സി​ക​ൾ​ക്കാ​യി ഒ​രു ചെ​റി​യ ക​ട ഖി​നാ​ലി​കി​ൽ ഉ​ണ്ട്. കു​ട്ടി​ക്കാ​ല​ത്ത് ന​മ്മു​ടെ നാ​ട്ടി​ലെ നാ​ട്ടി​ൻ​പു​റ​ങ്ങ​ളി​ൽ ക​ണ്ടി​രു​ന്ന പ​ല​ച​ര​ക്കു ക​ട​ക​ളെ​യാ​ണ് ഓ​ർ​മ​യി​ൽ വ​ന്ന​ത്. ഹി​ന്ദു​സ്ഥാ​നി​യാ​ണോ എ​ന്ന് അ​റി​യാ​വു​ന്ന ഇം​ഗ്ലീ​ഷി​ൽ ക​ട​യു​ട​മ എ​ന്നോ​ട് കു​ശ​ലം ചോ​ദി​ച്ചു.

പി​ന്നീ​ട് പ​ഴ​യ ഹി​ന്ദി സി​നി​മ​യി​ലെ ഒ​രു ഗാ​ന​ത്തി​ന്റെ അ​ല്പം വ​രി​ക​ൾ മൂ​ളി​ത്ത​ന്നു. ഇ​ത്ത​ര​ത്തി​ലു​ള്ള രാ​ജ്യ​ങ്ങ​ളി​ൽ പ​ല​രും ഹി​ന്ദി സി​നി​മ​ക​ൾ ഇ​ഷ്ട​പ്പെ​ടു​ന്ന​വ​രാ​ണ്. മു​മ്പ് ജോ​ർ​ജി​യ​യി​ൽ കു​ടും​ബ​വു​മൊ​ത്ത് യാ​ത്ര​ചെ​യ്ത​പ്പോ​ൾ ടാ​ക്സി ഡ്രൈ​വ​ർ ഞ​ങ്ങ​ൾ ഇ​ന്ത്യ​ക്കാ​രാ​ണെ​ന്ന് അ​റി​ഞ്ഞ​പ്പോ​ൾ ഇ​തു​പോ​ലെ ഒ​രു ഹി​ന്ദി ഗാ​ന​ത്തി​ന്റെ അ​ല്പം വ​രി​ക​ൾ പാ​ടി​ത്ത​ന്ന​ത് ഓ​ർ​മ​യി​ൽ വ​ന്നു. ഗ്രാ​മ​ത്തി​ലെ കു​ട്ടി​ക​ളും സ​ഞ്ചാ​രി​ക​ളു​മാ​യി കു​ശ​ലം പ​റ​യു​ന്ന തി​ര​ക്കി​ലാ​ണ്. മൂ​ന്നോ നാ​ലോ മ​നാ​ത്ത് (അ​സ​ർ​ബൈ​ജാ​നി​ലെ ക​റ​ൻ​സി) കു​ട്ടി​ക​ൾ​ക്ക് കൊ​ടു​ത്താ​ൽ അ​വ​രു​ടെ അ​ടു​ത്തു​ള്ള ക​ഴു​ത​പ്പു​റ​ത്ത് ഗ്രാ​മ​ത്തി​ലൂ​ടെ നി​ങ്ങ​ൾ​ക്ക് ഒ​രു സ​ഞ്ചാ​ര​മാ​വാം. ഇ​നി തി​രി​ച്ച് ബാ​ക്കു​വി​ലേ​ക്ക് മ​ട​ക്കം.